A/C.2/61/L.256 rezolyutsiyasining loyihasi bo’yicha o’tkazilgan norasmiy co’rov natijasiga ko’ra Qo’mita raisining o’rinbosari janob Hasan Ali Salih (Livan) tomonidan taqdim etilgan Rezolyutsiya loyihasi

2009 yil, Xalqaro astronomiya yili

Bosh Assambleya,

astronomiyaning qadiymiy fundamental fanlardan biri ekanligi va boshqa fanlar va amaliy tadqiqotlar rivojiga katta hissa qo’shgani va hozir ham qo’shayotganini hisobga olib,

astronomik kuzatuvlar fan, falsafa, madaniyat va Koinotning umumiy kontseptsiyasi rivojiga chuqur ta’sir ko’rsatishini tan olib,

astronomiya jamiyatning keng qatlamlarida katta qiziqish uyg’otsada, ko’pincha ushbu fan to’plagan bilim va ma’lumotlar bilan tanishish imkoniyati yo’qligini ta’kidlab,

har bir xalqning milliy qadriyatlarida osmon, sayyoralar va yulduzlar bilan bog’liq rivoyat, afsona va an’analari borligini anglab,

BMT ning ta’lim, fan va madaniyat islari bo’yicha Bosh konferentsiyasining astronomiya fanining ahamiyati va uning insoniyat bilimi va taraqqiyotiga qo’shgan hissasiniga e’tiborni qaratish maqsadida 2009 yilni astronomiya yili deb e’lon qilishni qo’llab-quvvatlashga chqirgan 2005 yil 19 oktyabrda qabul qilgan 33/C25 rezolyutsiyani ma’qullab,

Xalqaro Astronomik Jamiyat bu tasabbusni 2003 yildan buyon qo’llab-quvvalayotganligini va yni amalga oshirishda bor imkoniyatini ishga solishini ta’kidlab,

astronomiya yilining o’tkazilishi astronomiya va fundamental fanlarnibg barqaror taraqqiyotdagi favqulodda muhim rol o’ynashi mumkinligi to’g’risida jamoatchlik xabardorligining oshishiga ishonch hosil qilib:
1. 2009 yilni Xalqaro astronomiya yili deb e’lon qiladi;
2. Bilashgan Millatlar Tashkilotinining ta’lim, fan va madaniyat islari bo’yicha tashkilotini Yilni o’tkazish bo’yicha tashkilotchi va koordinator etib tayinlaydi va unga ushbu maqsadda BMTning boshqa bo’limlari, Xalqaro astronomik jamiyat, Evropa janubiy observatoriyasi, va jahonning turli astronomik jamiyatlari hamda guruhlari bilan hamkorlik qilishni taklif qiladi, va shu munosabat bilan Yilning o’tkazilishi doirasidagi tadbirlarni moliyalashtirish erkin badallar, xususan shahsiy sektor mablaglari hisobigan amalga oshiriladi;
3. Barcha a’zo-mamlakatlar, BMT tizimi va boshqa davlatlarga Yilni o’tkazishdagi astronomiya fanining o’rni va ahamiyati bilan jamoatchilikni xabardor qilishga qaratilgan tadbirlarning barcha bosqichlarida ko’mak berish va astronomik kuzatuvlardan olingan ma’lumotlar hamda bilimlardan bemalol foydalanish imkoniyatini yaratishga yordamlashishni tavsiya etadi.

Ushbu hujjatning rus tilidagi nusxasini N0760050 da ko’ring